Home | Statistics | Previous | Next | Or go to:
Color Coding: Matthew-Mark Agreements |
Mark-Luke Agreements |
Matthew-Luke Agreements |
Triple Agreement
Formatting: Word Is Different |
Word Differs from Both Parallels |
Morphology Is Different |
Morphology Differs from Both Parallels
Gray Background: This is not where this portion is found in this gospel.
| Matthew | Mark | Luke | Notes |
|---|---|---|---|
| 15Τότε πορευθέντες οἱ Φαρισαῖοι συμβούλιον ἔλαβον ὅπως αὐτὸν παγιδεύσωσιν ἐν λόγῳ. 16καὶ ἀποστέλλουσιν αὐτῷ τοὺς μαθητὰς αὐτῶν μετὰ τῶν Ἡρῳδιανῶν λέγοντες • | 13Καὶ ἀποστέλλουσιν πρὸς αὐτόν τινας τῶν Φαρισαίων καὶ τῶν Ἡρῳδιανῶν ἵνα αὐτὸν ἀγρεύσωσιν λόγῳ. 14καὶ ἐλθόντες λέγουσιν αὐτῷ • | 20Καὶ παρατηρήσαντες ἀπέστειλαν ἐγκαθέτους ὑποκρινομένους ἑαυτοὺς δικαίους εἶναι, ἵνα ἐπιλάβωνται αὐτοῦ λόγου, ὥστε παραδοῦναι αὐτὸν τῇ ἀρχῇ καὶ τῇ ἐξουσίᾳ τοῦ ἡγεμόνος. 21καὶ ἐπηρώτησαν αὐτὸν λέγοντες • | |
| 16διδάσκαλε, οἴδαμεν ὅτι ἀληθὴς εἶ καὶ τὴν ὁδὸν τοῦ θεοῦ ἐν ἀληθείᾳ διδάσκεις καὶ οὐ μέλει σοι περὶ οὐδενός • οὐ γὰρ βλέπεις εἰς πρόσωπον ἀνθρώπων, 17εἰπὲ οὖν ἡμῖν τί σοι δοκεῖ • ἔξεστιν δοῦναι κῆνσον Καίσαρι ἢ οὔ ; | 14διδάσκαλε, οἴδαμεν ὅτι ἀληθὴς εἶ καὶ οὐ μέλει σοι περὶ οὐδενός • οὐ γὰρ βλέπεις εἰς πρόσωπον ἀνθρώπων, ἀλλʼ ἐπʼ ἀληθείας τὴν ὁδὸν τοῦ θεοῦ διδάσκεις • ἔξεστιν δοῦναι κῆνσον Καίσαρι ἢ οὔ ; | 21διδάσκαλε, οἴδαμεν ὅτι ὀρθῶς λέγεις καὶ διδάσκεις καὶ οὐ λαμβάνεις πρόσωπον, ἀλλʼ ἐπʼ ἀληθείας τὴν ὁδὸν τοῦ θεοῦ διδάσκεις • 22ἔξεστιν ἡμᾶς Καίσαρι φόρον δοῦναι ἢ οὔ ; | |
| 14δῶμεν ἢ μὴ δῶμεν ; | |||
| 18γνοὺς δὲ ὁ Ἰησοῦς τὴν πονηρίαν αὐτῶν εἶπεν • | 15ὁ δὲ εἰδὼς αὐτῶν τὴν ὑπόκρισιν εἶπεν αὐτοῖς • | 23κατανοήσας δὲ αὐτῶν τὴν πανουργίαν εἶπεν πρὸς αὐτούς • | |
| 18τί με πειράζετε, ὑποκριταί ; | 15τί με πειράζετε ; | ||
| 19ἐπιδείξατέ μοι τὸ νόμισμα τοῦ κήνσου. | 15φέρετέ μοι δηνάριον ἵνα ἴδω. | 24δείξατέ μοι δηνάριον • | |
| 19οἱ δὲ προσήνεγκαν αὐτῷ δηνάριον. 20καὶ λέγει αὐτοῖς • | 16οἱ δὲ ἤνεγκαν. καὶ λέγει αὐτοῖς • | ||
| 20τίνος ἡ εἰκὼν αὕτη καὶ ἡ ἐπιγραφή ; | 16τίνος ἡ εἰκὼν αὕτη καὶ ἡ ἐπιγραφή ; | 24τίνος ἔχει εἰκόνα καὶ ἐπιγραφήν ; | |
| 21λέγουσιν αὐτῷ • | 16οἱ δὲ εἶπαν αὐτῷ • | 24οἱ δὲ εἶπαν • | |
| 21Καίσαρος. | 16Καίσαρος. | 24Καίσαρος. | |
| 21τότε λέγει αὐτοῖς • | 17ὁ δὲ Ἰησοῦς εἶπεν αὐτοῖς • | 25ὁ δὲ εἶπεν πρὸς αὐτούς • | |
| 21ἀπόδοτε οὖν τὰ Καίσαρος Καίσαρι καὶ τὰ τοῦ θεοῦ τῷ θεῷ. | 17τὰ Καίσαρος ἀπόδοτε Καίσαρι καὶ τὰ τοῦ θεοῦ τῷ θεῷ. | 25τοίνυν ἀπόδοτε τὰ Καίσαρος Καίσαρι καὶ τὰ τοῦ θεοῦ τῷ θεῷ. | |
| 26καὶ οὐκ ἴσχυσαν ἐπιλαβέσθαι αὐτοῦ ῥήματος ἐναντίον τοῦ λαοῦ | |||
| 22καὶ ἀκούσαντες ἐθαύμασαν, | 17καὶ ἐξεθαύμαζον ἐπʼ αὐτῷ. | 26καὶ θαυμάσαντες ἐπὶ τῇ ἀποκρίσει αὐτοῦ ἐσίγησαν. | |
| 22καὶ ἀφέντες αὐτὸν ἀπῆλθαν. |
Home | Statistics | Previous | Next | Or go to: